Номер 96, страница 61, часть 1 - гдз по белорусскому языку 4 класс учебник Свірыдзенка

96. Прачытайце тэкст. Чаму ён мае такую назву?

Памірыў галубоў

Дзьмуў халодны і марозны вечар. Андрэйка з цікавасцю назіраў за галубамі. Птушкі снавалі каля лаўкі, пераляталі з месца на месца.

Два галубы не падзялілі скурку ад каўбасы. Яны распачалі бойку. Аднаму з іх надакучыла гэта валтузня. Голуб адляцеў ад лаўкі, сеў на клумбу. Пераможца зашчаміў у дзюбцы скурку, пакруціў галоўкай і паглядзеў на Андрэйку.

Андрэйка захацеў памірыць галубоў. Хлопчык дастаў з сумкі батон, адламаў ад яго акрайчык, падышоў да птушак.

Галубы паднялі галоўкі, насцярожыліся, але не спужаліся. Андрэйка пакрышыў батон на зямлю. Галубы з ахвотай пачалі дзяўбці духмяны пачастунак. Яны нешта завуркаталі на сваёй птушынай мове. Так галубы дзякавалі Андрэйку за пачастунак. (Паводле І. Стадольніка.)

Вызначце тып тэксту. Складзіце і запішыце яго план. Назавіце словы, якія дапамагаюць звязаць сказы ў тэксце.

Знайдзіце ў тэксце сказы з аднароднымі членамі. Выпішыце з іх аднародныя члены разам са словам, да якога яны адносяцца.

Узор. Халодны і марозны вецер, ...

Рм Вусна перакажыце тэкст па плане. Выкарыстайце запісаныя спалучэнні слоў.

Тэкст мае такую назву, таму што хлопчык Андрэйка сваім учынкам памірыў двух галубоў, якія біліся. Ён пачаставаў іх батонам, і яны перасталі сварыцца.

Тып тэксту — апавяданне.

План:

1. Бойка галубоў.

2. Андрэйка вырашае памірыць птушак.

3. Пачастунак для галубоў.

4. Птушыная падзяка.

Словы, якія дапамагаюць звязаць сказы ў тэксце: яны, аднаму з іх, голуб, пераможца, хлопчык, галубы, так.

вецер (які?) халодны і марозны

птушкі (што рабілі?) снавалі, пераляталі

пераможца (што зрабіў?) зашчаміў, пакруціў і паглядзеў

хлопчык (што зрабіў?) дастаў, адламаў, падышоў

галубы (што зрабілі?) паднялі, насцярожыліся, але не спужаліся