Номер 93, страница 93, часть 1 - гдз по Літаратурнаму чытанню 4 класс учебник Жуковіч, Праскаловіч

найменні, новыя тэрміны і паняцці: смартфон, гіраскутар, смарт-гадзіннік, сэлфі, цюбінг, фітбол, сім-карта, фэйк і іншыя.

У нашай роднай мове існуюць словы, якія валодаюць неверагоднай сілай. Яны дапамагаюць у любой справе і ствараюць добрае ўражанне пра таго, хто штодня карыстаецца імі. Гэта ветлівыя словы.

Ты ўжо ведаеш некаторыя цудадзейныя словы. Напрыклад, прыгожае слова «дзякуй». Яго мы выкарыстоўваем, калі неабходна выказаць каму-небудзь сваю ўдзячнасць за аказаную паслугу або дапамогу.

Канешне ж, на падзяку трэба ўмець правільна адказаць. У беларускай мове ёсць універсальны адказ, які ты, безумоўна, ведаеш: «Калі ласка!».

Калі ж табе падзякавалі за нейкую драбязу, за нешта такое, што не патрабавала ад цябе вялікіх намаганняў, можна адказаць: «Няма за што!».

А ці ведаеш ты, як правільна звярнуцца да чалавека, які пачынае спажываць нейкую страву, ці да людзей, якія ўжо нешта ядуць?

У нашай роднай мове для такіх сітуацый ёсць адмысловыя пажаданні: «Смачна есці!», «Смачнага вам!», «Хлеб ды соль!».

У жыцці часам здараюцца такія непрыемныя сітуацыі, калі мы робім памылкі або выпадкова крыўдзім кагосьці. Выхаваны чалавек заўсёды прызнае віну і просіць прабачэння.

Для такіх выпадкаў у беларускай мове ёсць шэраг выразаў: «Прабачце!», «Выбачайце!», «Даруйце!», «Прашу прабачэння!», «Не крыўдуйце!».