Номер 250, страница 153 - гдз по белорусскому языку 8 класс учебник Бадзевіч, Саматыя

250. Прачытайце тэкст. Пабудуйце схему сказа, у якім ёсць аднародныя члены. Выпішыце словазлучэнні з неаднароднымі азначэннямі, укажыце, чым яны выражаны.

Выснова напрошваецца сама: трэба наш родны дом зрабіць утульным. Каб душы чалавечай было ў ім хораша, цёпла, светла. Толькі і ўсяго. Але наш дом адно тады стане гэтaкім, калі ў ім будзе ўсё тое, што ў родным доме павінна быць, менавіта:

калі ў ім будзе свабодна і натуральна, з ранку і да ночы, з вуснаў і старых, і малых гучаць роднае слова;

калі ў ім будуць чуцца пяшчотныя матчыны песні і мілагучныя бацькавы цымбалы, мудрыя дзедавы казкі і прыказкі, легенды і паданні;

калі ў ім будзе чуцён незаменны водар страў, які ты ўдыхаў ад калыскі, — водар найлепшых дароў нашай любай, самаахвярнай і мнагацерпнай зямлі-карміцелькі;

калі ў ім будзе вабіць твой зрок, і зачароўваць, і глядзець у душу табе — з пакрывалаў і посцілак, з паясоў і сурвэтак — «цвяток радзімы васілька»;

калі ў ім на стале, на белым абрусе, побач з боханам хлеба надзённага будуць ляжаць кнігі Бібліі Францыска Скарыны, кнігі Цёткі і Францішка Багушэвіча, Янкі Купалы і Якуба Коласа, Максіма Багдановіча і Максіма Гарэцкага і многія іншыя кнігі свяшчэннага пісання нашага;

калі ў ім на самым пачэсным месцы, на покуці, пад ручнікамі, будуць абразы найвялікшых, найслынных сыноў і дачок Бацькаўшчыны — абразы* святых і прасвятых зямлі нашай Беларускай.

А будзе ўсё гэта ў нашым родным доме толькі тады, калі мы захочам, каб было (Н. Гілевіч).

Пра які дом ідзе гаворка? Ці згодны вы з аўтарам? Што, на вашу думку, неабходна рабіць, каб наш дом — Радзіма — стаў утульным? Запішыце свае разважанні, ужываючы аднародныя члены сказа.

Чаму ў перадапошнім абзацы слова Беларускай пішацца з вялікай літары?

У тэксце гаворка ідзе пра наш агульны дом — Радзіму, Беларусь. Я цалкам згодны з аўтарам у тым, што для стварэння ўтульнасці ў нашым агульным доме неабходна шанаваць і развіваць родную мову, культуру, мастацтва і традыцыі. Трэба ведаць сваю гісторыю, памятаць народныя песні, казкі і легенды, ганарыцца выдатнымі сынамі і дочкамі нашай зямлі. Каб наш дом — Радзіма — стаў утульным, мы павінны любіць, берагчы і прымнажаць духоўныя і матэрыяльныя скарбы, пакінутыя нам продкамі.

• Слова Беларускай у перадапошнім абзацы пішацца з вялікай літары, таму што аўтар ужывае яго ў высокім, урачыстым сэнсе. Такім напісаннем ён выказвае асаблівую любоў, павагу і глыбокую пашану да сваёй Радзімы, надаючы гэтаму слову асаблівае, ганаровае значэнне.