Номер 84, страница 62 - гдз по белорусскому языку 11 класс учебник Валочка, Васюковіч

84. Прачытайце сказы, звярніце ўвагу на выдзеленыя словы. Якім пунктуацыйным нормам адпавядае афармленне сказаў?

1.Рамантык закаханы і паэт, я кветкі акрыляў, падняўшы ўгору, дарыў табе, здаецца, толькі ўчора (М. Маляўка).

2.І мядзведзь, даўні ўладар пушчаў, таксама прабівае сабе сцежку, прыходзячы з далёкіх нязведаных сховай (П. Пестрак).

3.Флексія, або канчатак, утварае пэўную граматычную форму слова і служыць для граматычнай сувязі паміж словамі ў словазлучэнні і сказе.

4. Да бярозавага балота Рэйдзіху павеў суседскі хлопчык, дзесяцігадовы Аўласаў Міцька (І. Чыгрынаў).

5.Над Бароўкай, двароў у сорак вёскай, якая падступалася паўкругам да возера (па адзін бок яго стаялі хаты, а па другі — лес), незаметку асядаў вечар (І. Чыгрынаў).

6. Якраз была адлётная пара — выпрабаванне на любоў і вернасць (Л. Галубовіч).

7.На Белай Русі — зямлі маіх продкаў — непадалёку ад гарадка Мір на захадзе серабрыцца Уша, трохі далей — Сервеч (А. Наўроцкі).

Сфармулюйце правілы адасаблення прыдаткаў на пісьме.

Афармленне сказаў адпавядае правілам адасаблення прыдаткаў.

Правілы адасаблення прыдаткаў на пісьме:

1. Адасабляюцца коскамі пашыраныя і адзіночныя прыдаткі, якія адносяцца да асабовага займенніка.

2. Адасабляюцца коскамі пашыраныя прыдаткі, якія стаяць пасля паяснёнага назоўніка (агульнага ці ўласнага).

3. Адасабляюцца коскамі прыдаткі, што далучаюцца злучнікам або (у значэнні ‘гэта значыць’).

4. Адасабляюцца працяжнікам прыдаткі, што стаяць у канцы сказа, калі ім надаецца паясняльнае значэнне.

5. Адасабляюцца працяжнікамі з двух бакоў пашыраныя прыдаткі, якія стаяць у сярэдзіне сказа і маюць удакладняльны, тлумачальны характар.