Номер 2, страница 7, частка 1 - гдз по белорусскому языку 5 класс учебник частка 1 Валочка, Зелянко

2. Прачытайце тэкст. Якія функцыі мовы раскрываюцца ў творах вуснай народнай творчасці?

Нашы продкі — большай часткай непісьменныя людзі — тонка адчувалі слова.

Народ даўно заўважыў, што мова — найважнейшы сродак зносін, і выказаў гэту думку вобразна і даступна: Невядомая дарога на канцы языка.

Разумелі людзі і такую функцыю мовы, як уздзеянне, здольнасць слова выклікаць у слухача пэўныя эмоцыі*. Добрае, шчырае слова высока цэніцца ў народзе. Яно ўздымае настрой, надае сілы, дапамагае жыць. Невыпадкова яго параўноўваюць з прадметамі і з’явамі, якія маюць вялікае значэнне ў жыцці чалавека: Добрае слова далёка чуваць. Ласкавае слова што дзень ясны.

Але слова можа і балюча параніць. Такое слова асуджаецца ў народзе як найбольшае зло: Рана загоіцца — злое слова ніколі. Скажы, як цвік у сэрца ўбіў.

Слова збліжае, злучае людзей, яно і раз’ядноўвае. Таму народная мудрасць гаворыць: Як брыдкае слова сказаць, лепш язык выплюнуць (Паводле А. Каўруса).

У творах вуснай народнай творчасці раскрываюцца наступныя функцыі мовы:

1. Камунікатыўная. Мова — гэта «найважнейшы сродак зносін», што пацвярджаецца прыказкай: «Невядомая дарога на канцы языка».

2. Функцыя ўздзеяння (эмацыянальная). Слова мае «здольнасць выклікаць у слухача пэўныя эмоцыі». Добрае слова ўздымае настрой, надае сілы, дапамагае жыць («Добрае слова далёка чуваць», «Ласкавае слова што дзень ясны»). Злое слова можа балюча параніць («Рана загоіцца — злое слова ніколі», «Сказаў, як цвік у сэрца ўбіў»).

3. Аб’яднаўчая і раз’яднаўчая.«Слова збліжае, злучае людзей, яно і раз'ядноўвае», таму «Як брыдкае слова сказаць, лепш язык выплюнуць».