Номер 289, страница 171 - гдз по белорусскому языку 8 класс учебник Бадзевіч, Саматыя

289. Уважліва прачытайце тэкст. Вызначце яго тэму і асноўную думку. Падбярыце да тэксту загаловак. Вызначце тып, стыль і жанр тэксту. З якіх частак ён складаецца?

Водгукі

Водгукі — гэта вельмі важная форма выказвання сваіх эмоцый. Дзякуючы ім новыя чытачы загадзя могуць атрымаць першае ўражанне, скласці папярэдняе меркаванне пра кнігу. Таму водгукі можна назваць і адным з рэкламных інструментаў пісьменніка. Якасныя водгукі варта шанаваць і калекцыяніраваць. І пажадана размяшчаць іх там, дзе чытачы змогуць лёгка азнаёміцца з іх зместам. Напрыклад, на аўтарскім сайце або ў анатацыі да тэксту. Водгук важны як для чытачоў, так і для аўтара.

1. Водгук на кнігу — гэта арыенцір для заўсёднікаў* анлайн-бібліятэк* або кніжных форумаў*.

Папулярных жанраў не так многа, а кніг у кожным — мора. І водгукі ў анлайн-бібліятэках якраз дапамагаюць зрабіць выбар на карысць той або іншай кнігі і зразумець, спадабаецца яна ці не.

2. Кніг сёння шмат, аўтары працягваюць актыўна пісаць, і часам, зайшоўшы ў кнігарню, не ведаеш, што купіць пачытаць. Плюс з’явілася шмат новых аўтараў, пра якіх ведаць нічога не ведаеш. Водгукі на творчасць аўтара ў цэлым дапамагаюць спыніць выбар на кнігах канкрэтнага пісьменніка.

3. Самому чытачу водгук дапаможа разабрацца ва ўласных эмоцыях, выкласці іх на паперу, калі кніга закранула.

4. Водгукі дапамагаюць знайсці аднадумцаў на форумах, у аўтарскіх раздзелах або ў анлайн-бібліятэках. Бывае, што хочацца абмеркаваць любімую кнігу або творчасць аўтара, але няма з кім: вакол ніхто «ваша» не чытае. Праз ваш водгук знойдуцьць вас, а праз чужыя водгукі вы знойдзеце тых, з кім можна пагаварыць.

5. Водгук дапаможа наладзіць зваротную сувязь з пісьменнікам. І калі апошні адгукнецца — абмеркаваць планы на будучыню, даведацца пра новыя кнігі і пра творчыя працы ў цэлым. Ды і проста пазнаёміцца — як правіла, услед за творчасцю многія чытачы пачынаюць цікавіцца і асобай аўтара (Літаратурныя курсы-анлайн).

• Растлумачце пастаноўку знакаў прыпынку ў сказах з аднароднымі членамі.

@ Якія анлайн-бібліятэкі, кніжныя форумы вы ведаеце?

Тэма тэксту: роля і значэнне кніжных водгукаў.

Асноўная думка: водгукі на кнігі — гэта важны інструмент як для чытачоў (дапамагаюць з выбарам, аналізам і пошукам аднадумцаў), так і для аўтараў (забяспечваюць зваротную сувязь і папулярнасць).

Загаловак:Сіла водгуку.

Тып, стыль і жанр тэксту: тып — разважанне; стыль — публіцыстычны; жанр — артыкул.

Тэкст складаецца з частак: уступ (тэзіс), асноўная частка (аргументы ў пунктах 1–5) і заключэнне (вывад).

🔴 У сказе «Водгукі дапамагаюць знайсці аднадумцаў на форумах, у аўтарскіх раздзелах або ў анлайн-бібліятэках» коска ставіцца паміж аднароднымі акалічнасцямі «на форумах», «у аўтарскіх раздзелах», бо яны звязаны без злучніка. У сказе «Водгук важны як для чытачоў, так і для аўтара» коска ставіцца перад другой часткай састаўнога злучніка «як ..., так і».

@ Прыклады анлайн-бібліятэк і кніжных форумаў: LiveLib, Goodreads, ЛитРес, Bookmate, Лаборатория Фантастики (FantLab).