Номер 317, страница 190 - гдз по белорусскому языку 8 класс учебник Бадзевіч, Саматыя

317. Прачытайце слоўнікавы артыкул з даведніка па культуры маўлення «Слоўка за слоўкам». Якая асноўная думка гэтага тэксту?

Пабочнае слова дарэчы ўжываецца для абазначэння таго, што фраза гаворыцца ў дадатак да сказанага, напрыклад: Мы пойдзем у грыбы. Дарэчы, і ты можаш пайсці з намі. Але пабочнае слова захоўвае і значэнне прыслоўя дарэчы, ад якога яно ўтварылася, — ‘к ме́сцу, якраз у патрýбны час’: пры́йсці дарэчы, сказаць дарэчы. Гэту семантычную асаблівасць трэба ўлічваць, інакш атрымаецца скажоны па сэнсе сказ тыпу: Дзядзька жыў на вёсцы. Дарэчы, ён памёр у мінулым годзе. Атрымліваецца недарэчны выказ пра дарэчную смерць.

• Складзіце 2 сказы, у якіх слова дарэчы ўжывалася б як пабочнае слова і як прыслоўе (член сказа).

Падрыхтуйце вуснае паведамленне аб недарэчным ужыванні слоў ці іх спалучэнняў у беларускай мове. Пры ўзнікненні цяжкасцей можна выкарыстаць матэрыялы даведніка «Слоўка за слоўкам».

Асноўная думка тэксту заключаецца ў тым, што пабочнае слова дарэчы, утворанае ад прыслоўя, захоўвае яго значэнне ‘своечасова, да месца’. Гэту асаблівасць трэба ўлічваць у маўленні, каб не ствараць недарэчных выказванняў.

Мы сабраліся ў паход, і, дарэчы, прагноз надвор'я быў вельмі спрыяльны.

Яго парада прыйшлася вельмі дарэчы.