Номер 384, страница 229 - гдз по белорусскому языку 8 класс учебник Бадзевіч, Саматыя

384. Прачытайце, знайдзіце параўнальныя звароты і ахарактарызуйце іх па плане:

а) пры дапамозе якога злучніка ўведзены ў сказ;

б) месца размяшчэння ў сказе;

в) развіты ці неразвіты;

г) які член сказа паясняе ці ўдакладняе.

1. Вісела ноч, чорная, як пераараная зямля. 2. Не баючыся, ля самых ног хадзілі чорныя, бліскучыя, як аблізаныя, шпакі.

3. Цененька*, як іголкай, калола холадам у шчаку... 4. Хлопцы пасля крыху пасмялелі і ўлеглі на парэчкі, што куры. 5. Гудзелі самалёты цяжкаᶜ, сухаᴹ. Яны паварочвалі ўлева, задзіралі ўгару крыло і падалі, як лянівыя каршуны (І. Пташнікаў). 6. Уздоўж палеткаў, абочын, сцяжын пасталі, быццам дзеці з блакітнымі вачанятамі, васількі (Я. Пархута). 7. Дні стаялі светлыя, ясныя, бы крышталь, а ледзь вечарэла — высыпалі зоры (Б. Сачанка).

Назавіце сінонім да слова васількі.

1.як пераараная зямля

а) зварот уведзены пры дапамозе злучніка як;

б) знаходзіцца пасля паяснёнага слова;

в) развіты;

г) паясняе азначэнне чорная.

2.як аблізаныя

а) зварот уведзены пры дапамозе злучніка як;

б) знаходзіцца пасля паяснёных слоў;

в) неразвіты;

г) паясняе азначэнні чорныя, бліскучыя.

3.як іголкай

а) зварот уведзены пры дапамозе злучніка як;

б) знаходзіцца перад паяснёным словам;

в) неразвіты;

г) паясняе дзеяслоў-выказнік калола.

4.што куры

а) зварот уведзены пры дапамозе злучніка што;

б) знаходзіцца пасля паяснёнага слова;

в) неразвіты;

г) паясняе дзеяслоў-выказнік ўлеглі.

5.як лянівыя каршуны

а) зварот уведзены пры дапамозе злучніка як;

б) знаходзіцца пасля паяснёнага слова;

в) развіты;

г) паясняе дзеяслоў-выказнік падалі.

6.быццам дзеці з блакітнымі вачанятамі

а) зварот уведзены пры дапамозе злучніка быццам;

б) знаходзіцца перад паяснёным словам;

в) развіты;

г) паясняе дзейнік васількі.

7.бы крышталь

а) зварот уведзены пры дапамозе злучніка бы;

б) знаходзіцца пасля паяснёных слоў;

в) неразвіты;

г) паясняе састаўныя іменныя выказнікі светлыя, ясныя.

Сінонім да слова васількі — валошкі.