Номер 381, страница 226 - гдз по белорусскому языку 8 класс учебник Бадзевіч, Саматыя

381. Прагледзьце тэкст, не чытаючы яго. У чым яго адметнасць? Прачытайце тэкст. Вызначце яго жанр. Як можна выкарыстаць атрыманую інфармацыю?

Самыя трагічныя старонкі ў гісторыі Беларусі звязаны з Вялікай Айчыннай вайной, якая забрала жыцці кожнага трэцяга жыхара нашай краіны. Аб ёй нагадваюць легендарная Брэсцкая крэпасць, гераічнае Буйніцкае поле ў Магілёве, наваколле Оршы, дзе гучалі першыя залпы славутай «Кацюшы», «Лінія Сталіна» і мноства іншых мясцін, якія сталі сведкамі страшных падзей...

Аб гэтай вайне «расказваюць» сумна вядомая на ўвесь свет Хатынь і яшчэ сотні спаленых разам з людзьмі вёсак, крывавыя лагеры смерці Трасцянец, Чырвоны Бераг, Азарычы, мноства гета, што існавалі па ўсёй краіне...

Ёй прысвечаны першы ў свеце музей гісторыі Вялікай Айчыннай вайны, адкрыты для наведвальнікаў 7 лістапада 1944 года, які атрымаў новы будынак-сімвал да 70-годдзя вызвалення Беларусі.

У многіх гарадах і вёсках нашай краіны ўстаноўлены абеліскі і мемарыялы ў памяць аб героях, пераможныя танкі і гарматы часоў Вялікай Айчыннай вайны, створаны ўнікальныя музейныя экспазіцыі, шануюцца брацкія і адзіночныя магілы загінуўшых салдат і мірных жыхароў.

Кожны год, у Дзень Перамогі 9 мая і ў памятныя дні вызвалення беларускіх гарадоў і вёсак, праводзяцца святочныя шэсці, сустрэчы і вечары памяці.

Сёння ў Беларусі распрацаваны цікавыя гістарычныя маршруты, прысвечаныя войнам і баям на яе тэрыторыі, гераічным лёсам людзей і трагедыям, пра якія нельга забываць (Паводле інфармацыі з афіцыйнага сайта Рэспублікі Беларусь Belarus.by).

Ці ёсць гістарычныя помнікі ў вашым горадзе (вёсцы)? Апішыце адзін з іх і раскажыце пра гісторыю яго стварэння, свае адносіны да яго.

Для ўзору можна выкарыстаць матэрыялы «Калыска дзяржаўнасці і духоўнасці».

Звярніцеся да афіцыйнага сайта Рэспублікі Беларусь Belarus.by і прачытайце дадатковую інфармацыю да выдзеленых фрагментаў тэксту.

Адметнасць тэксту ў тым, што ў ім выдзелены тлустым шрыфтам ключавыя словы – назвы памятных мясцін, звязаных з падзеямі Вялікай Айчыннай вайны, а таксама назвы дат і крыніц інфармацыі.

Жанр тэксту – інфармацыйны артыкул публіцыстычнага стылю.

Атрыманую інфармацыю можна выкарыстаць для падрыхтоўкі паведамлення або прэзентацыі пра помнікі Вялікай Айчыннай вайны на тэрыторыі Беларусі, для складання турыстычнага маршруту па памятных мясцінах, а таксама як аснову для напісання даследчай працы.