Номер 75, страница 57 - гдз по белорусскому языку 8 класс учебник Бадзевіч, Саматыя

75. Прачытайце тэкст і запішыце адметныя беларускія слоўзлучэнні.

Беларусы хлеб рэжуць, ці крояць, атрымліваюцца скібкі^Ф. Сала — толькі рэжуць і на талерку кладуць скрылікі.

Масла — толькі каровіна, сметанковае масла, топленае (таплёнае) масла. З расліны — алей, аліўкавы, ільняны, канапляны, праванскі, сланечнікавы.

А. К. Клышка

Прыпомнім яшчэ, што бульбу ў нас абіраюць, а маладую, з якой лёгка^с здымаецца^с лупінка, скрабуць.

Не лішне, відаць, тут будзе зазначыць, што «кипяток» мае тры адпаведнікі — кіпень, кіпецень, вар. Якое слова з дзяцінства вам бліжэйшае, тое і ўжывайце.

Хоць «вскипятить» па-беларуску закіпяціць, аднак пра ваду часцей кажуць згатаваць вады, пра малако — спарыць малака. І адпаведна — гатаваная вада, паранае малако. А «парное молоко» — па-беларуску сырадой^с.

Пры гатаванні ежы вам, пэўна ж, спатрэбяцца словы прыгаршчы, жменя, шчопці, тры пальцы, каб што ўзяць і ўкінуць у чыгун ці гаршчок — ад круп да солі.

Тым часам, заслаўшы настольнік, абрус, можна сабраць стол (рус. накрыть на стол). «Кушайте!» — «Ешце!» Або: «Піце!» «Пожалуйста кушать!» — «Просім (прашу) да стала!» Або: «Калі ласка, да стала!»

Чым хата багата, тым і рады! (Паводле А. Клышкі).

@ Падрыхтуйце паведамленне пра беларускага празаіка, журналіста, крытыка, перакладчыка, педагога, заслужанага дзеяча культуры Рэспублікі Беларусь, аўтара беларускага «Буквара» Анатоля Канстанцінавіча Клышку.

Хлеб рэжуць, ці крояць.

Скібкі хлеба.

Сала рэжуць.

Скрылікі сала.

Каровіна масла, сметанковае масла, топленае (таплёнае) масла.

Абіраць бульбу, скрабці маладую бульбу.

Лёгка здымаецца лупінка.

Кіпень, кіпецень, вар.

Закіпяціць ваду, згатаваць вады.

Спарыць малака.

Гатаваная вада, паранае малако.

Сырадой.

Сабраць стол.

Просім (прашу) да стала!

Калі ласка, да стала!

Чым хата багата, тым і рады!