Номер 17, страница 15 - гдз по белорусскому языку 11 класс учебник Валочка, Васюковіч

17. Прачытайце тэкст. Назавіце лексічныя, марфалагічныя і сінтаксічныя рысы гутаркавага стылю.

...Дзядзька Хрол спакойна, разважліва гаворыць:
— От ты глядзі сюды. Усё нам купіць трэба. А вось зямля, лес, поле — усё як быццам нехта так аддае: тамацька ягадзіну возьмеш, тутацька грыб паднімеш, а то арэхаў натрасеш — бачыш, ужо і наеўся. З дрэва дошак напіліш, а з дошкі і на чым есці, і на чым сядзець, і на чым спаць змайструеш. А вазьмі паветра. Вось што, мусіць, самае смачнае з усіх страў, якія ведаюць людзі. Гэта табе не цукеркі, якія, скажам, заманулася раз у год. А паветра кожную^М мінуту трэба. А вось вы, мальцы, не ведаеце, што такое маладня, гром. А гэта ж хмара аб хмару цярнецца — вось вам і іскры, і маладня. Якраз як крэсівам аб крэмень. Ці, скажам, паспрабуй жалезам аб жалеза з разгону цярнуць. Во вам шуму будзе, во грому! А вы не глядзіце, што хмары здаюцца мяккімі, як кудзеля*, у іх вунацькі якая сіла (Паводле Я. Сіпакова).

Лексічныя рысы:

1. Ужыванне гутарковай і прастамоўнай лексікі (глядзі, трэба, мальцы, тутацька, цярнуць).

2. Наяўнасць эмацыянальна-экспрэсіўнай лексікі (во граму!).

3. Выкарыстанне дыялектнай лексікі (кудзеля).

4. Ужыванне параўнанняў (мяккімі, як кудзеля).

Марфалагічныя рысы:

1. Перавага дзеясловаў у форме 2-й асобы адзіночнага і множнага ліку (глядзі, возьмеш, бачыш, не ведаеце, не глядзіце).

2. Шырокае выкарыстанне часціц (от, вось, а, ж).

3. Актыўнае ўжыванне асабовых займеннікаў (ты, нам, вы, вам).

Сінтаксічныя рысы:

1. Выкарыстанне простых, няпоўных і эліптычных сказаў (От ты глядзі сюды.).

2. Наяўнасць клічных сказаў (Во вам шуму будзе, во граму!).

3. Свабодны, інверсійны парадак слоў (Усё нам купіць трэба.).

4. Ужыванне пабочных слоў (скажам, мусіць, бачыш).

5. Наяўнасць звароткаў (мальцы).

6. Лексічныя і сінтаксічныя паўторы (А вось...; і на чым есці, і на чым сядзець, і на чым спаць).