Номер 6, страница 7 - гдз по белорусскому языку 10 класс учебник Валочка, Васюковіч

6. На старонках часопіса «Бярозка» ў рубрыцы «Дайджэст» (digest у перакладзе з англійскай азначае «пераказ, падборка») змешчаны звесткі пра самыя цікавыя і незвычайныя, на думку аўтара, гарадскія летнія мерапрыемствы ў Мінску. Пазнаёмцеся з некаторымі з іх.

Джазавыя вечары ля Ратушы

Мерапрыемства з гучнай назвай «Джазавыя вечары», на якім ужывую выступаюць музыкі з замежжа і Беларусі. Тут можна пачуць джазавыя апрацоўкі беларускага фальклору; пабачыць дзіўны саюз музыкаў — трубача з Чылі і ўдарніка з Туркменістана; паслухаць вакальныя і інструментальныя выступленні ў розных стылях і напрамках: этна-джаз, класічны, ф’южан, джаз-фанк, свінг, мэйнстрым і інш. «Звыклыя» месцы для гэтага жанру — кафэ і клубы, а тут — сцэна на вуліцы ў гістарычным цэнтры горада — двойчы рамантыка.

Эка-фестываль «Пастарнак»

На працягу двух дзён у батанічным садзе можна пазнаёміцца з вытворцамі і пастаўшчыкамі экалагічнай прадукцыі, даведацца пра самыя сучасныя паслугі для здаровага ладу жыцця. Усе зоны падпарадкаваны тэматыцы фестывалю: фудкорт — здаровае харчаванне, beauty-зона — арганічная касметыка і прыемныя майстар-класы, спартыўная пляцоўка — розныя віды спорту і фітнес, музычная зона — акустычныя выступленні артыстаў у трох пунктах фестывалю.

FSP Freaky Summer Party

Двухдзённы арт-пікнік у цэнтры горада — унікальны па сваёй канцэпцыі. Фэст шматвектарны: велізарны фудкорт, адукацыйная пляцоўка Edutainment, жывая музыка на пяці сцэнах, маркет дызайнерскіх рэчаў, дзіцячая тэрыторыя Kidsters, пляцоўкі актыўнага і пасіўнага адпачынку, гульні і забавы ад партнёраў фестывалю. Усё адбываецца з паметай *dog-friendly: уваход з жывёламі дазволены! (Паводле М. Шантыр).

Знайдзіце ў тэкстах словы, якія не з’яўляюцца агульнаўжывальнымі. Паспрабуйце раскрыць іх сэнс.

Ці з’яўляюцца гэтыя словы сведчаннем таго, што мова развіваецца разам з грамадствам?

Ці ўзніклі ў вас цяжкасці з разуменнем тэксту? Як вы думаеце, з чым гэта звязана?

Словы ў тэкстах, якія не з’яўляюцца агульнаўжывальнымі, і іх сэнс:

Так, з'яўленне гэтых слоў у мове з'яўляецца сведчаннем таго, што яна развіваецца разам з грамадствам. Запазычанні з іншых моў адлюстроўваюць новыя рэаліі, культурныя з'явы, тэхналогіі і сацыяльныя тэндэнцыі, якія становяцца часткай жыцця грамадства. Мова адаптуецца, каб назваць гэтыя новыя паняцці.

Цяжкасці з разуменнем тэкстаў могуць узнікнуць у чытача, які не знаёмы з сучаснай гарадской культурай або не ведае англійскай мовы, з якой запазычана большасць гэтых слоў. Гэта звязана з тым, што многія з гэтых паняццяў і тэрмінаў з'яўляюцца адносна новымі і яшчэ не сталі агульнаўжывальнымі для ўсіх носьбітаў беларускай мовы.